Learning by doing: Kzliburutegi@rekin-erako proiektua prestatzen

Maiatzaren bukaeran, kzliburutegi@rekin, udal liburuzainentzako prestakuntza aurreratu digitalaren bigarren zikloa itxi zen.

Landu ditugun bi moduluetan, gure liburutegietako lanerako probetxu handikoak izan daitezkeen tresna ezberdinak ikusi eta erabili ditugu.

Gogoratzen duzuen modura, prestakuntza plan honen helburua liburutegi publikoetako profesionales trebakuntza lortzea da. Gaitasun digitaletan trebakuntza lortzea, honen bidez Internet-en editatu eta publikatu ahal izateko, honela gure liburutegiak Internet-en zein sare sozialetan kokatu ahal izateko.

Orain, urrats bat aurrera emango dugu eta teoriatik praktikara pasatuko gara, dakizuenez, learning by doing (eginez ikasi). Honela, prestkuntza planean parte hartu duen bakoitzak proiektu bat aurkeztu beharko du. Lehendabiziko fase honetan proiektuaren deskribapena eskatzen dizuegu soilik, honen gauzatzea ondorengo etapetan etorriko baita.

Proiektua bakarka edota taldeka egin daiteke, pertsonak ezberdinek edota liburutegi ezberdinek osatuta. Ikuspegiari dagokionez, liburutegia parte den komunitateari zuzenduta egon daiteke, edota orokorrean lanbideari zuzenduta –araudia, prozesuen hobekuntza, etab.-

Gaiari helduz, bururatu ahal zaizkigun banakako ekintzez gain, beti ere gure eremuarekin harremana izanik, honako gai-multzoak proposatzen dizkizuegu:

 -Euskara sare sozialetan

-Ahozko tradizioa

-Geolokalizazioa-azpiegiturak, udalerriarentzako intereseko datuak, etb.-

-Katalogazio bibliografikoa

 Proiektua datorren ekainaren 17a baino lehen aurkeztu beharko da, izan ere ekainaren 18an proiektuen ebaluazioari ekingo baitzaio.

Proiektuaren aurreneko fase honen koordinatzailea  David Sánchez Bote  izango da www.liburutegiak.wikispaces.com bidez.